Naga paniguro po kita sa LGU Dimasalang na maging preparado kita sa COVID 19. Kaya naman po naga plano po kita san aton mga procedures para po sini na COVID 19. Amon po guina ngayo an iyo po kooperasyon kag pag intindi.

Tanan po na sarakyan (bus, jeep, van kag mga private vehicles po) huhungaon po san aton mga health personnels kun igwa po san maga lusad sa Lgu Dimasalang. Papalusadon na po sa aton mga boundary (sa Brgy. Balocawe, Brgy. Gaid kag Brgy. Balantay) an mga pasahero na pakadi po sa Dimasalang. Mafill-out po sinda san form san RHU kag kukuhaan na po sinda san Temperature. Kabulig po naton an aton mga Punong Barangay kag Officials san Barangay Balocawe, Canomay, Poblacion, Gaid kag G. Aliño sa pagfacilitate po sini na pag kuha san data kag temperature. Papaniguruhon po san LGU Dimasalang kag san aton po mga Kapitanes na madul ong an aton mga pasahero na guin palusad po kag guin kuhaan po san datus kag temperature.

Pasensya na po kamo sani na abala pero para po sa proteksyon kag kaligtasan po san kadamuan aton po ini kinahanglan himuon.

Padayon po kita na magpangadyi para sa aton po pamilya kag sa aton po pinalangga na Dimasalang.